Appels in die Vrystaat? Die Fyvies wys hoe!

Neil en Pam Fyvie van Harrismith is van die min boere wat kans sien om in die riskante Oos-Vrystaat met appels te boer. Dié vertakking bied egter ’n groot uitkoms as droëlandgewasse swaar trek. Neil het twintig jaar gelede 20 ha Royal Gala-, Fuji- en Braeburn-appelbome op die familieplaas Deveron in die grond gesteek en vandag pluk hy letterlik en figuurlik die vrugte.