Bewaringsboerdery maak die verskil vir Egon Zunckel

Egon Zunckel en sy twee seuns, Tyson en Carl, vorm die driemanskap van Zunckel Farms naby Bergville in KwaZulu-Natal. Egon, ’n bewaringsboer wat met mielies, sojabone, koring, beeste en dekgewasse boer, sê hy sou nooit sonder bewaringsbewerking die oeste behaal het wat hy afhaal nie. Sy grootste fout, sê hy, is dat hy nie vroeër daarmee begin het nie.