Diversifikasie die sleutel tot Johan Strydom se sukses

Johan Strydom bestuur ’n hoogs gediversifiseerde boerdery naby Lichtenburg in Noordwes. Hy boer met melk- en vleisbeeste, skape en gesaaides. Sy kommersiële Holsteinkudde op die plaas Wolvenfontein bestaan uit sowat 1 200 koeie en verse. Na gelang van die seisoen lewer die melkkudde 13 000 liter tot 13 500 liter melk per dag. Alle voer wat hy op die mielielande verbou en later inkuil, word omgesit in heilsame melk. Hy is ook aktief betrokke by die georganiseerde landbou.