Dries Visser: Ware wildboere is oor ná bedryf gesif is

Dries Visser, ’n wildboer van Thabazimbi in Limpopo, en sy seun, Dries jr., teel onder meer waardevolle vlakte- en skaars wildsoorte en reël safari’s vir oorsese jagters. Dries sê die wildbedryf het ’n nuwe era betree. Hy gebruik jagters om sy wildkuddes intensief te bestuur en meen die droogte en laer wildpryse het die bedryf gesif sodat net ware wildboere oorgebly het.