WRSA se 2022 Wildboer van die Jaar, Karel Landman, het diep spore in die wildbedryf in KwaZulu-Natal getrap. Sy twee seuns loop voor saam met ‘n uitgebreide bestuurspan by die Pongola Game Reserve. Kyk vandag saam om 17:30 op VIA TV.
Die eerste episode van Landbouweekliks se 22ste seisoen is hier! Kyk dié episode vanaand om 17:30 op VIA TV en ontmoet Stefan Erasmus, ’n vyfdegeslagboer van die Oos-Kaap.
Clive Tigere het ’n graad in statistiek, maar hy het sommer vroeg al sy kantoorwerk vir boerdery verruil. Dit is in die broeiery waar hy deesdae uitblink. Kyk Landbouweekliks vanaand om 17:30 op VIA TV om meer oor Tigere en sy boerdery te leer.
.
Alles in die lewe gaan oor geleenthede en hy het die geleenthede wat hy gekry het, gebruik om van krag tot krag te gaan, sê Dewald Dempers. Kyk Landbouweekliks vanaand om 17:30 op VIA TV om meer oor dié Noord-Kaap se Jongboer van 2022 te leer.
.
Ons boer met mense, neute en beeste, sê die broers Johan en Herman Potgieter van Hoogekraal naby Hoekwil oor hul boerdery. Daar is ’n melkery, makadamia-afdeling en gasteplaas. Herman se aandag is hoofsaaklik op die finansiële aspekte van die boerdery, asook die grootmaak van die verse tot op KI-ouderdom, terwyl Johan hom weer op die makadamiabome toespits. Hoogekraal bestaan uit vyf aangrensende plase. Die Potgieters het hul eerste makadamias in 2017 geplant nadat brucellose in 2014 by van hul beeste gevind is. Hulle het besef die boerdery moet diversifiseer en het tans 53 ha makadamias. Johan se vrou, Linda, bestuur die Libertas Guest Farm waar besoekers in vyf huise op die werkende plaas kan tuisgaan. Daar is ook ’n kalfie-kleuterskool waar kinders die kalfies voer.
Kyk Dinsdag om 17:30 op VIA TV.