Die week op Landbouweekliks | Mentorskap laat Dirk Louw se droom gedy

Dirk Louw is ’n voormalige plaaswerker wat self wou boer. Hy het voorheen by André Smith, sy getroue mentor, gewerk met die verstandhouding dat hy mettertyd op sy eie plaas sou boer. Hierdie droom is bewaarheid en nou boer hy al die afgelope dekade kommersieel buite Groblershoop in die Noord-Kaap met pekanneute, lusern, tafeldruiwe, rosyntjiedruiwe en sultanas. In 2019 het Dirk ’n rekordoes van 200 ton rosyne behaal. Hy glo aan harde werk, om jou energie te benut terwyl jy jonk en gesond is, en ondersteuning van jou gesin.

 

Die week op Landbouweekliks | ‘Bokboerdery is die oplossing’

Albie Horn boer met Blackberry-bokke, Kalahari Reds, Boerbokke, Dorpers en Wit Dorpers op die familieplaas Hartebeeshoek naby De Aar in die Noord-Kaap. Sy pa, Awie, en oupas, At Horn en Albertus van Niekerk, het almal met bokke geboer en Albie verwag dat bokvleis nog baie gewilder gaan word. Een van sy jaar oue Kalahari Red-bokramme is verlede jaar teen R160 000 verkoop op ’n veiling op Lichtenburg in Noordwes. Dit was nie net ’n Suid-Afrikaanse rekord nie, maar ook ’n wêreldrekord. Vraag en aanbod bepaal die prys.

 

Die week op Landbouweekliks | Forelboere: ‘Akwakultuur is ook boerdery’

Die Van der Merwes van Lunsklip Fisheries by Dullstroom is pioniers in die plaaslike forelbedryf. Hulle voer embrio’s uit, verskaf lewende vis aan die plaaslike mark en verwerk vis in verskeie produkte. Gerrie en Hannetjie het dié forelplaas in 1972 begin. Dit was ’n waaghalsige besluit omdat min oor forel en akwakultuur toe bekend was, maar die Van der Merwes was vol energie en bereid om hard te werk. Vandag is die seuns Stephan en Reinier aan die stuur van sake. Hulle het die boerdery deur goeie bemarking en vernuwende denke uiters suksesvol voortgesit.

Die week op Landbouweekliks | Boer met die ‘lekkerste gewas’

Jaco Fivaz is al byna 18 jaar lank die bestuurder op Mohlatsi, naby Hoedspruit in Limpopo. Op dié plaasvan 350 ha word ’n verskeidenheid mangokultivarsgeproduseer. Daar is ook ’n pakhuis, ’n aanleg omvrugte te droog, ’n winkel waar die publiek verskeiemangoprodukte kan koop en geriewe om atjar te produseer. Jaco behaal groot sukses danksy snoei-tegnieke wat hy by kenners geleer en oor die jareverfyn het, hoëdigtheidsaanplantings, navorsing, proewe, waardevolle vennootskappe en spuitprogrammewat verskil van die norm in die bedryf. Die eerste episode van reeks 13 van Landbouweekliks, Landbouweekblad se TV-program oor merkwaardige en unieke Suid-Afrikaanse boere, word op Dinsdag 23 Maart uitgesaai.

Die week op Landbouweekliks | Kennersoog dra by tot sukses

Deur wetenskaplike beginsels, soos selektiewe paring, met behulp van ’n moderne rekenaarprogram met praktyke op grondvlak te kombineer om die mees aangepaste beeste in ’n veldtoets uit te soek, maak 2020 se Suider-Afrikaanse Stoetteler van die Jaar groot teelspronge in sy Branguskudde. Mnr. André van der Merwe van Reitz in die Oos-Vrystaat, sy vrou, Riana, en hul seun, Manfred, boer op die plaas Amanda. As stoettelers teel hulle uitsluitlik rooi en swart Brangus-stoetbulle vir hulself en om aan ander beesboere te verkoop.

Op Landbouweekliks die week | Wenner mielieboer ‘dink elke dag buite die boks’

Bossi Ferreira van NMTB-boerdery boer op die plaas Haarlem naby Mkhondo in Mpumalanga. Hy behaal groot sukses danksy presisieboerdery en ’n klem op grondgesondheid. Verlede jaar was hy die wenner in die afdeling vir droëlandmielies in die Weeg-en-Wen-kompetisie met ’n opbrengs van 15,224 ton per hektaar. Mielies is die boerdery se hoofvertakking en word saam met sojabone in ’n wisselboustelsel verbou. Bossi glo potensiaal moet ontgin word, nie net in grond nie, maar ook in mense. Geesdriftige werkers sal produktief wees.

Die week op Landbouweekliks: Van Springbok tot voluit boer

Dr. John Williams boer op sy geboorteplaas, Mayholme, noordwes van Alldays aan die oewer van die Limpoporivier. Hy boer met beeste, skape en wild, en verdien ook ’n inkomste uit toerisme en jag. Hulle moet voortdurend planne maak om droogtes en roofdiere te trotseer, en seker te maak die vee het genoeg kos. John is ’n oudvoorsitter van Agri Limpopo. In 2007 was hy Limpopo se Boer van die Jaar en ook ’n finalis in die nasionale Boer van die Jaar-kompetisie. Hy sê boere moet saamstaan en betrokke wees by die georganiseerde landbou.

Die week op Landbouweekliks | Deon Schröder dink nuut oor suikerproduksie

Deon Schröder boer op die familieplaas naby Dalton in die KwaZulu-Natalse Middelland. Die boerdery bestaan uit 600 ha droëlandsuikerriet, 150 ha hout en ’n klein beeskudde. Die suikerrietopbrengs het rekordvlakke bereik sedert Deon herlewingslandboupraktyke begin toepas het. Sy hoofbeginsels is: Versteur die grond so min moontlik; bedek die grond soveel moontlik met organiese materiaal; hou lewende wortels so lank moontlik in die grond; bevorder biodiversiteit bo en onder die grond; en gebruik vee om grondgesondheid te verbeter.

Die week op Landbouweekliks | ‘Hoe kan boere relevant bly?’

Simon D’Aubrey, Kwanalu se Jongboer van die Jaar vir 2019, is die derde geslag wat op Arcadia Estate by Eshowe boer. Hulle boer met suikerriet, hout, suurlemoene en avokado’s. Arcadia Estates oes sowat 20 000 ton suiker per jaar en het ook 60 ha wattel- en bloekombome – hoofsaaklik vir pulp vir papiervervaardiging. Simon lê klem op die bewaring van grond vir toekomstige geslagte en beplan sy boerderymetodes rondom die omgewing. Hy sê jy moet jou grond met deernis behandel, jou werkers eerbiedig en altyd gereed wees vir verandering.

Die week op Landbouweekliks | Charl Senekal: ‘Bly altyd by met tegnologie’

Charl Senekal sr. staan nie sonder rede bekend as Suid-Afrika se suikerkoning nie – sy boerdery is een van die grootste private suikerrietboerderye in die Suidelike Halfrond met 4 200 ha landerye onder besproeiing. Die familie boer ook met sitrus, katoen, droëbone, makadamias, brandrissies, wild en beeste, en vervaardig werktuie. Charl is onder andere ’n voormalige Boer van die Jaar. In 2017 het hy ’n eredoktorsgraad van die Universiteit van KwaZulu-Natal ontvang vir sy bydrae tot die landbou en opheffingswerk in die gemeenskap.